First Times

First time mo bang magkaroong ng haggard na ID picture? Mawalan ng payong? Maibaba sa UB ng taxi instead na sa UP? First time mo bang gumamit ng blue book? Ng syllabus? Pumasok nang hindi naliligo? Magsuot ng tsinelas everyday? First time mo bang hingalin ng sobra sa paglalakad galing sa CSS patungo sa CS? O kaya naman ay malate kasi dikit-dikit ang mga classes mo? First time mo bang “bumaba” at “umakyat” mag-isa? First time mo bang mawalay sa pamilya mo?

Okay lang yan! Napagdaanan din namin yan! Ganyan talaga ang buhay sa UP Baguio. Mahirap masanay sa simula ngunit masayang maranasan ang ganitong mga “first times”. Ito ang  huhubog sa iyong pagkatao, at dahil dito, mas makikilala mo ang iyong sarili.

Ngayong nasa kolehiyo ka na, kailangan mong matutunang maging independent at maging madiskarte. Kung dati ay may  gumigising sa’yo tuwing umaga, ngayon wala na. Kung dati ay may naghahain sa’yo ng hapunan tuwing ala sais ng gabi, ngayon wala na. Kung dati may naglalaba para sa’yo, ngayon wala na. Kung dati may namamalantsa para sa’yo, ngayon wala na. Alam kong mahirap mamuhay mag-isa at malayo sa pamilya. Wala ka nang maaasahan kundi ang sarili mo.

Nakakatakot bang mamuhay mag-isa? Gusto mo na bang bumalik sa mga magulang mo? Bro, college student ka na. You need to leave your comfort zone. Kailangan mo ring marealize na ang ganitong feeling ng culture shock at homesickness ay normal lang. Walang mali sa’yo kaya hindi mo kailangang magemo-emohan. Huwag ka ring magkakamaling magdrugs o uminom gabi-gabi para lang malunasan ang iyong kalungkutan. Hindi iyan makakaganda para sa iyong pag-adapt at pag-adjust sa bagong environment.  Kaya, sa halip, tratuhin mong opportunity ang mga pagsubok na napapagdaanan mo. Kumbaga, gawin mong adventure ang college life.  Mag-explore ka ng mga lugar na di mo pa napupuntahan sa Baguio. Makipagkaibigan ka sa mga bloc mates mo. Magtry ka ng Cordillera foods. Embrace the new culture. Soon, marerealize mo na kaya mo palang mamuhay mag-isa, and masaya ito. :)