Bakit Nga Ba Tayo Nag-aaral?

"If you have a dream, you can spend a lifetime studying, planning, and getting ready for it. What you should be doing is getting started." 
- Drew Houston

Aminin mo. Mahirap at nakakatamad mag-aral, lalo na kapag 'di ka interesado sa kailangan mong aralin.  Kahit may gana ka at nasabi mo na sa sarili mo na, “Sige na, mag-aaral na ko.”, di ka pa rin makapag-aral kasi the moment na nagsimula kang magbasa, lahat ng mga unnecessary na bagay ay biglang nagiging kawili-wili. ‘Wag kang mag-alala, normal lang to. Kahit ako, nakakatamaran ko  rin mag-aral. Syempre, kung papipiliin ka: aral o libang?, panigurado, libang ang pipiliin mo. Sino ba namang tao ang gusto mahirapan?

Kung ang iniisip mo sa salitang “aral” o “tuto” ay paghihirap at pagaaksaya ng oras, diyan ka nagkakamali. Sa araw-araw nating pamumuhay sa mundong ito, 'di tayo tumutigil matuto. Sabi nga ni Bruce Lee, “Life itself is your teacher, and you are in a state of constant learning.”

Hindi lang classroom ang venue upang matutunan ang mga bagay bagay. Kung mapapansin mo, mas marami kang matutunan sa labas ng classroom katulad ng pasesnya, pagbabudget, at disiplina. Ang mga lessons sa school, inaaral mo 'to para magexcel ka sa career na gusto mo. Ang lessons ng buhay, inexperience ito upang tumatag ang iyong kahusayan sa pakikibaka sa buhay.

Bakit nga ba kailangan nating mag aral o matuto ng mga bagay bagay? Bakit nga ba kailangan nating tumuntong sa college para mag-aral? Hindi ba mas magiging practical pag sa bahay ka lang nag-aaral through online resources?

Ang college ang stepping stone para makamit ang iyong mga pangarap. Upang makamit mo ang mga pangarap mo, kailangan mong magsikap at magsunog ng kilay. Hindi straight line ang paglalakbay patungo sa mga pangarap mo. May maeencounter kang bumps along the road a.k.a. mga bagsak, terror profs, insufficient allowance, etc. Pero di lang math o science ang matututunan sa college. Matututo ka rin ng mga life skills na  tutulong sa’yo para maging isa kang responsableng mamamayan.

Isang pribieheyo ang makapag-aral sa college. ‘Wag mong baliwalain ito. Naghirap din ang mga magulang mo para makapag-aral ka. Ang tanging bagay mo nalang na maibabalik sa kanila ay magsipag at mag-aral ng mabuti. Para sa’yo din yun. Kung di ka mag-aaral ng mabuti, mapapariwara ang buhay mo. ‘Wag mong isipin ang mga panandaliang tagumpay. Think long term. Isipin ang magiging buhay ng pamilya mo ‘pag hindi ka nag-aral ng mabuti. Gusto mo ba silang mahirapan?

Para di ka mabore sa pag-aaral isipin mo ang kinabukasan mo. Mas maayos na maghirap ka sa simula at puro sarap sa dulo kesa puro sarap sa simula tapos sa dulo ka maghihirap.

O sige na guys. Mag-aaral pa ako ng magic(math). Good luck sa pag-aaral nyo. Tandaan niyo, think long term. :D